Akontese Kulu Hun Dili, Lia Menon Husi Dom Carlos Filipe Ximenes Belo

Culu Hum (Kulu Hun ) Dili-2018

     Hosi dook hau rona kona ba "Polisia tiru jovem sira, na'in tolu mate iha fatin". Ha'u hato'o sentidos pêsames ba Familia no ba parente tomak iha Dili. Husu ba Na'i Maromak atu simu sira nia klamar iha Na'in nia kadunan.

Amo Bispo Dom Carlos F. Ximenes Belo, SDB,
Premio Nobel Da Paz, 1996

     Hanesan uluk, iha Santa Cruz (1991), ha'u husu ba Bapa sira nusá mak lá tiru uluk ba lalehan atu fó "aviso"; ka nusá mak la tiru ho "bala borracha"?, nune'e mos atan hau ha'u husu ba maluk polisia sira atu, antes ke tiru ho bala atu hamate, diak liu, aplika teknika hodi "hapara" manifestasaun ka demonstrasaun.

     Ho ida n'e, ha'u husu ba Juventude tomak iha sidade Dili laran atu iha Kalma, hodi rezolve didiak problema sira.

     Maibé ha'u mos hakarak hatene didiak, ho kle'an, nusá, mak sira tiru...Ita hein autoridade sira bele konta didiak kronolojia akontesimentu triste ida ne'e.
     Hau reza, atu familia ne'ebe agora daudaun hetan susar, no autoridade sira ne'ebé tenki fo seguransa ba sidade Dili, hotu hotu bele moris iha hakmatek laran, no ho "diálogo"rezolve problemas sira.Ba imi tomak ha'u nia hakoak boot.

Amo Bispo Dom Carlos F. Ximenes Belo, SDB.