Família Kantora Maria Vitória Deside MarVi Hela Iha Timor



Manehat: Família kantora Maria Vitória deside MarVi hela iha Timor hodi kontinua nia estudu iha Nível sekudária ramata hafoin bele hanoin atu ba kontinua kareira nu’udar artista iha Indonézia ka nafatin hela iha Timor.

António Borges nu’udar aman hatete depois de hasoru orgaun soberanu sira inklui bispu dioseze Díli, Família deside MarVi kontinua nia estudu iha Timor to’o ramata.

“Nia tenki eskola hotu uluk lai sma maka foin bele ba iha rai liur ne’eba. nia sei kikoan entaun nia remata tia nia eskola sma hotu maka foin bele tanba estadu protu atu azuda Maria,” António Borges hato’o kestaun ne’e ba Matadalan, Sesta (06/01/2017), iha Ótel Novu Turizmu, bainhira ramata vizita kortezia ba orgaun soberanu sira inklui bispu Dioseze Díli.

António dehan Governu liuhosi Primeiru Minístru promete ona ba MarVi katak fó apoiu másimu ho kondisaun saída de’it bainhira MarVi ho família deside ona kona ba futuru MarVi ninian.

Antes ne’e, Maria Vitória liu hosi konferensia imprensa iha Aeroportu Internasionál Nicolao Lobato, Díli, hatete nia parte hein desizaun hosi família. Maske nune’e MarVi iha hanoin atu kontinua estudu iha Timor-Leste hodi ramata nia estudu iha banku sekundária.

Iha fatin hanesan, Vice Minístra Edukasaun, Dulce de Jesus Soares hatete Ministériu Edukasaun sei oferese meius oi-oin ba MarVi relasiona ho nia estudu. ME hein hela desizaun família hodi hola pozisaun ba futuru MarVi nian.

Hatan kona-ba ba bolsa estudu, Vice ME hatete inklui bolsu estudu no apoiu seluk ne’ebé Governu liu hosi ME sei oferese ba MarVi. Antes ne’e, artista indonézia balun husu atu MarVi kontinua nia kareira professional hanesan kantora dangdut iha nasaun belun Indonézia. (Efrem)

Manehat