DATA ELEISAUN 2017, PREZIDENSIÁL 20 MARSU, PARLAMENTAR 8 JULLU
 DILI - Prezidenti Repúblika (PR), Taur Matan Ruak, konvida Primeiru Ministru (PM) Rui Maria de Araújo, no reprezentante Partidus Polítikus (PARPOL) ne’ebé hetan asentu iha Parlamentu Nasionál (PN), hodi deskuti no desidi data eleisaun Prezidensial no Parlamentar ne’ebé sei hala’o iha 2017. Sorumutu Xefi Estadu ho ukun na’in sira ne’e, hala’o iha oras ne’ebé mak la hanesan, maibé konsege hamosu opsaun balun liu-liu konaba data festa demokrasia iha tinan oin. Nai ulun sira ne’e, desidi katak, eleisaun Prezidensial nian sei monu iha loron 20 Marsu, no eleisaun Parlamentar sei monu iha 8 Jullu 2017. Primeiru Ministru (PM), Rui Maria de Araújo informa katak, Prezidenti Repúblika mak konvoka reuniaun ho Governu, nomós órgaun soberania sira seluk, inklui mós partidu polítiku sira atu ko’alia konaba data eleisaun Prezidensiál no mós Parlamentar iha tinan oin. “Husi perspetiva Governu, aprezenta pontu sira ne’ebé, li-liu relasiona ho Lei eleisaun ne’ebé iha, prazu...