Koidadu Konsumu Bee Galong

Oleh -
     Aqua Galung

Kuidadu Konsumu Bee Galong
Veronica Meles   Nasional  03 Fevereiru 2017  

DILI: Ministériu Saúde (MS) fó atensaun ba públiku atu kuidadu bainhira hili bee galong ne’ebé iha kualidade atu bele konsumu. Rezultadu teste laboratóriu hatudu iha bee galong balun la saudavel tuir padraun Ministériu Saúde nian.

Diretór Toxicologia no Análize da Água, Pedro Almeida da Silva hateten, rezultadu teste laboratóriu nasionál iha tinan 2016 katak, kompañia barak prienxe ho kritériu be saudavel, maibé iha balun mós la prienxe.

“Iha ida ou rua maka ninia bee galong, água no selu-seluk tan ladún saudavel hanesan H20 no Gota,” tenik nia, iha ninia servisu fatin, horisehik.
Pedro esplika, bee hirak ne’e kontein kímiku sulfat ladún di'ak. Nune’e, bee balun iis tahu tanba sira bee husi rai okos.

Nia hatutan, problema bee galong ne’e akontese mós iha Munisípiu Kovalima husi Kompañia Canossa no Oekusi husi Kompañia Lele Oil.

Bee husi kompañia hirak ne’e ninia kompozisaun kímiku ne’e ladún di'ak ba ema nia saúde, ba bee galong husi kompañia H20 no Gota ninian bee iis tahu, maibé ba kompañia Canossa-Suai ninia sulfat ne’e liu estandarte 750 miligrama (mg) kada litru, tanba loloos ne’e 250 miligrama (mg) kada litru.

Nia dehan, produsaun bee hanesan ne’e maka bainhira ema konsumu beibeik akumula to’o tinan rua-tolu sei fó impaktu ba ema nia saúde.

“Hori bainhira sira mai mós ami haruka sira atu hadi’a sira nia kualidade bee, ba Gota ninian hahú 2014 lori sira nia sampel bee mai, maibé durante ne’e sira nia nunka lori mai, iha 2015 ami ba halo teste iha sira nia fatin fizikamente ami sente iis tahu, tanba sira uza bee husi rai okos, ate agora sira nunka lori sampel mai,” dehan Pedro

Nia dehan, iha Dili laran ne’e bee galong ne’ebé di'ak maka água Cool, Waimori, VIP, Iramor, no sira nain hira ne’e kada fulan sempre lori sampel bee mai hodi halo teste no kadavés tuun diretamente ba foti sampel hodi mai halo teste iha laboratóriu nasionál.

Nia informa, Kompañia hirak ne’ebé maka mai halo teste iha laboratóriu ne’e hamutuk 15 no kompañia haat (4) maka ladún prienxe kritériu, rezultadu sira ne’e sei hato’o ba iha Diresaun Jerál Saúde Públika iha Ministériu Saúde (MS), iha ne’ebá sei halo kontinuasaun ba teste, nune’e buat hirak ne’ebé liga ho lei ne’e responsavel MS ninian.

Fontes: Jornal Independente

Manehat

Komentar

Posting Komentar

Postingan populer dari blog ini

BIOGRAFIA NINO KONIS SANTANA

Oleh -
Gambar
Herói Da Luta Independência De Timor Leste      Antoninho Santana, ho naran revolucionário, “Nino Konis Santana”. Moris iha povasaun Veru, suku Tutuala, Subdistrito Tutuala Distrito Lautem. Moris iha loron 12 fulan Janeiro tinan 1957. Oan dahuluk husi aman Ze-Makar no inan Poko-Tana.      Iha tinan 1963, Nino Konis Santana hahú estuda iha eskola municipal Tutuala (eskola primária).      Iha tinan 1968, Nino Konis Santana muda eskola ba koléjiu São João Bosco iha Fuiluro atu kontinua estudu iha 2ª classe . Hakotu 4ª classe iha 1971.      Iha tinan 1971-1973, estuda iha 1° ciclo iha eskola Pre-Secundária katolika Baucau.      Iha tinan 1973-1975, estuda iha eskola Canto Resende “professor do Posto Escolar”.      Iha tinan 1975, delegado UNETIM ( União Nacional dos Estudantes de Timor Leste). Organisasaun joventude FRETILIN iha eskola Canto Resende. Hahú participa ativu iha política.  ...
Read more »

LORON 7 DEZEMBRU 1975, MAK LORON NE'EBE INVAZAUN INDONESIA NIAN TAMA IHA TIMOR LESTE

Oleh -
Gambar
Istória nunka lakon husi memória povu TL nia, partikulármente, loron 7 dezembru 1975, loron ida ne’ebé Governu Indonézia autoriza nia militár, aneksa territóriu TL. La’ós tan ona segredu katak invazaun refere hetan apoiu husi Governu Amérika, Australia, Inglaterra no nasaun boot sira seluk.  Loron ohin mak 7 dezembru 1975 - 7 / 6 /2016. Loron invazaun, loron ida ne’ebé hahú asasina Timor oan rihun atus rua resin (200.000). Maske Governu TL hakarak subar loron ida ne’e ba povu, hodi hanaran fali loron heroi nasionál maibé ema barak la hatene no istória hatete momoos katak loron invazaun duni.  Loron ohin mak 7 de dezembru de 2016. Loron nebe marka invazaun indonesia nian mai ita nia rai ho escala nebe que bot iha loron 07 De Dezembro 1975 loron ida ne’ebé que FRETILIN hahú NIA Luta naruk hodi liberta povo maubere liu husi nia liman kroat FALINTIL. Durante 24 anos iha Ailaran, iha Axilo politico no iha prisaun politika no mos iha villa laran. Hodi ...
Read more »

Biografia Maun Bot Kayrala Xanana Gusmão

Oleh -
Gambar
 Primeiru-Ministru KAY RALA XANANA GUSMÃO Kay Rala Xanana Gusmão lidera rejistensia no lidera funu too  timor hetan ukun aan.   Xanana sai Prezidente  dahuluk  hafoin restaurasaun Independensia 20 Maiu 2002.  Kay Rala Xanana Gusmão moris iha loron 20 fulan-Junu  tinan 1946, iha Munisípiu Manatuto. Nia tuir eskola primária iha Santa Teresa, iha Ossu, Munisípiu Viqueque, Misão Katólik “Nossa Senhora de Fátima”, iha Dare, no eskola sekundária Dr. Francisco Machado, iha Dili. Xanana Gusmão tama ba administrasaun públiku iha tinan 1966 no servisu iha militár Portugés husi tinan 1968 to’o 1970. Iha tinan 1974, nia tama ba jurnál “A Voz de Timor” (Voz Timor) no mos tama ba partidu polítiku “Associação Social Democrata” ASDT (Assosiasaun Sosial Demokrata), hafoin muda ba Frente Revolucionária de Timor-Leste Independente (FRETILIN). Nia servisu hanesan Adjuntu Diretór Departamentu Informasaun ba FRETILIN. Hafoin invazaun militár Indonézia  iha tinan 1...
Read more »