PARLAMENTO KOREIA DO SUL APROVA DISTITUISAUN BA PRESIDENTE NASAUN

09 de Dezembro de 2016, 17:14

Deputadu sira hosi  Koreia do Sul iha ohin  aprova destituisaun ba  Prezidente nasaun nian, Park Geun-hye, ne’ebé agora sei ratifika hosi Tribunál Konstitusionál  atu sai  definitivu.



Mosaun destituisaun, aprezenta iha kinta-feira ne’e hosi opozisaun, hetan aprova ho votu apoiu 234 no kontra 56 no  transfere ba primeiru-ministru poder  Prezidente nian to’o iha desizaun hosi Tribunal Konstitusionál.

Rezultadu votasaun hatudu katak deputadu sira hosi partidu iha Governu vota apoiu ba destituisain Park Geun-hye, ne’ebé  envolve iha kazu tráfiku influénsia no korrupsaun hosi Ministériu Públiku.

Ema atus resin halo  protestu kontra feto dahuluk  Prezidente  Koreia do Sul ne’ebé akompaña ho  votasaun hosi deputadu sira iha liur  parlamentu nian, hafoin  manifestasaun ho ema millaun atus resin sul-koreanu hatudu  demisaun Park nakonu iha dalan  Seoul nian iha semana hirak ikus ne’e. sai hanesan manifestasaun boot liu iha nasaun dezde protestu pró-demokrasia iha dékada 1980.

Indignasaun bazeia ba ideia katak Park obriga durante ninia mandatu hosi nia amiga, Choi Soon-sil, ne’ebé  akuza   halo korrupsaun no tráfiku influénsia.

Prokuradoria Koreia do Sul informa katak  Prezidente iha papel ida"konsiderável" iha kazu ne’e no akuza ho formal Choi Soon-sil no ninia  antigu assessor prezidensiál rua, indika katak Park koopera ho ninia amiga no  eis-kolaborador rua seluk,  hanesan suspeitu halo pressaun ba empreza liu 50 iha nasaun halo doasaun  dólar millaun  65,7 ( euro millaun 62) ba fundasaun rua.

Eskándalu "Choi Soon-sil Gate" nian reduz taxa aprovasaun  Prezidente ba 5%, valur kiik liu  dala ida  alkansa hosi  xefe Estadu ida iha Koreia do Sul dezde  nasaun   hetan demokrasia iha  finál dékada  980.

Iha  29  fulan  novembru, Prezidente sul-coreana haktuir katak hakarak husik nia kargu molok mandate remata, iha  2018, no husu ba parlamentu atu prepara tranzisaun ida.

"Bainhira  deputadu iha kondisaun atu passa poder  ne’ebé minimiza kualkér  mamuk ruam iha  poder no kazu  iha governasaun, ha’u sai", hatete, iha  deklarasaun ba nasaun ne’ebé  transmite hosi  televizaun.

"Ha’u husik kestaun iha ha’u nia saída, inklui redusaun ba ha’u nia mandatu, desizaun ida hosi Assembleia Nasionál", nia afirma.