António Guterres Ohin Simu Pose Hanesan Sekretáriu Jerál Nasoins Unidas

António Guterres ohin simu pose hanesan sekretáriu jerál Nasoins Unidas

12 de Dezembro de 2016, 16:23

António Guterres ohin sei simu pose hanesan sekretáriu jerál ONU, durante serimónia ida ne’ebé Portugal sei reprzenta hosi Prezidente Repúblika, Marcelo Rebelo de Sousa, ho primeiru ministru, António Costa. 

Serimónia ne’e sei hala’o iha Lisboa, tuku 10:00, iha duni sede ONU, sala Asembleia Jerál nian, perante reprezenta hosi estadu-membru 193, maibé molok ne’e sei fó omenajen ba sekretáriu jerál sesante, Ban Ki-moon, ne’ebé sei halo diskursu ikus iha plenáriu ninia oin. 

Iha diskursu ba dahuluk no hafoin halo tiha juramentu kona-ba Karta Nasoins Unidas, sekretáriu jerál foun hosi ONU nian ne’e, sei fó sai kona-ba ninia “programa Governu”, hahú hosi resposta ba krizi globál ba to’o prosesu reforma ne’ebé rai no adia to’o oras ne’e, kona-ba makuinaria institusionál hosi organizasaun ne’e, durante tinan 71. 

Desde Asembleia Jerál ONU fó sai iha outubru, António Guterres halo ona vizita bá kapitál hothotu no hasoru malu ho membru permanente Konsellu Seguransa nian sira. 

Buat dahuluk ne’ebé António Guterres halo hafoin simu tiha tomada pose maka, halo anúnsiu kona-ba nomeasaun hosi visi-sekretáriu jerál no ninia xefe gabinete, ne’ebé maka tuir analista sira sei fatin importante rua ne’e, sei okupa hosi feto. 

Guterres dehan ona katak kestaun igualidade jéneru iha duni ONU ninia laran, presija hetan atensaun partikulár durante ninia mandatu. 

Ministra Ambiente Nijéria nian, Amina Mohammed, maka sai hanesan kandidata prinsipál ba kargu visi-sekretáriu jerál. 

António Guterres, ho tinan 67, sei hahú ninia mandatu tinan lima, iha loron 1-janeiru-2017, semana tolu antes tomada pose hosi Donald Trump, hanesan prezidente Estadus Unidus Amérika, iha Washington. 

SAPO TL ho Lusa