Amo Martinho Gusmão : Rejiaun sira kosta sul hanesan Suai, Same no Viqueque mak merese hetan osan bo'ot laos Oecusse

Oleh -
Manehat
Tuir info ne'ebe ami hetan husi
FORUM HAKSESUK
sexta-feira, 25 de novembro de 2016 Amo Martinho Gusmão: Rejiaun sira kosta Sul hanesan Suai, Same no Viqueque mak merese hetan osan bóot laos Oecusse  Amo Martinho Gusmão Dili, Forum Haksesuk (FH). Orçamento Geral Estado (OGE) 2017 aloka osan bóot ba oecusse kompara ba Municipius seluk, tuir publikasaun Forum Haksesuk nian iha loron Quinta-feira (24/11/2016) hakerek, "OGE 2017: Investimento injusto ba Municipiu 12 kompara ho Oecusse (FH,24/11/2016)". Amo Martinho Gusmão ható ninia hanoin liu husi facebook Forum haksesuk nian, cita: "Iha Lei-Inan RDTL hakeRek nuna'e "Promover o desenvolvimento harmonioso e integrado dos sectores e regiões e a justa repartição do produto nacional" (artigo 6 i) katak HALAO DESENVOLVIMENTO NEBE HOTU-HOTU HETAN TUIR DIDIAK (harmonioso) no FATIN HOTU HETAN (integrado) BA SECTOR TOMAK E REGIAO SIRA NO FAHE LOLOS TUIR IDA-IDAK NIAN (justa repartição) BA PRODUTO NACIONAL. TuIr LEI-INAN karik, REGIAO sira ilha SUAI, SAME no VIQUEQUE nee mk heTan barak liu tan MINA iha nega, OE-CUSSE oituan liu, tan recurso mamuk liu (Facebook FH, 25/11/2016). Hare mos pajina Facebook Forum haksesuk: "ESTADO halo VIOLACAO BA LEI INAN" Iha debate OGE 2017, bankada Partido Democratico (PD) ható ninia ponto liu deklarasaun (TVTL,23/11/2016), katak, "Iha razaun fundamental 6 mak motiva Partido Democrático hodi foti konkluzaun ne’e: 1). Governu seidauk tau prioridade sériu no proporsional, hodi dezenvolve setor agrikultura, komérsiu no indústria, turismu, edukasaun, saúde, be mos no saneamentu, no setor interligadu sira seluk. Basa, alokasaun orsamentu ba setor hirak ne’e, ki’ik teb-tebes kompara ho setor sira seluk hanesan projetu ZEESM no Tasi Mane. Planu orsamentu 2017 hatudu katak, governu aloka osan ba setor produtivu 6 iha leten hamutuk USD 22,578 miloens deit, ho nia diskrisaun hanesan tuir mai: agrikultura USD 3,151 miloens, saúde USD 2,0 miloens, edukasaun USD 2,419 miloens, bee no saneamentu USD 5,7 miloens, Komérsiu no indústria USD 7,853 miloens, no ba turismu USD 1,455 miloens. Enquanto iha setor seluk hanesan ZEESM governu aloka kedas osan hamutuk USD 172,110 miloens, no ba projetu Tasi Mane hamutuk USD 49,3 miloens, nune, total orsamentu ba setor rua deit hamutuk USD 221,41 miloens; 2). Governu seidauk sériu hodi kria kondisaun máximu, atu insentiva investimentu ki’ik no médiu, liu hosi dalan fo kréditu ba emprezáriu Timor oan sira hodi halo negósiu, no povu Timor-Leste em jeral hodi hadi’a sira nia moris. Realidade hatudu katak, Emprezáriu Timor oan labele halo projetu bot, tanba banku estranjeiru sira limite montante ba kréditu, mos fo funan nebe bot, nune, osan hirak ne’e tama hikas ba kofre banku estranjeiru nian; 3). Governu mos seidauk sériu hodi diversifika osan mina nian, liu-liu halo investimentu iha rai laran. Governu la iha vontade diak ka la sériu atu buka fontes de reseita seluk nebe pontensial teb-tebes, por exemplu halo investimentu iha área telekomunikasaun, hodi sosa Timor Telecom. Tuir Partido Democrático nia haree katak, Timor Telecom nudar fontes de reseitas potensial ba nasaun, tanba iha projetu lubun ida iha Timor Telecom, hanesan projetu telefone, Fibraóptika ho kabú submarinu, nebe bele hatama osan bot ba kofre Estadu nian, iha tempu badak nia laran; 4). Governu la tau prioridade máximu ba nesesidades bazíka povu nian. Pelu kontráriu, governu halo fali mega projetu hanesan aeroportu internasional iha Oecusi-Ambeno, auto estrada iha kosta sul, sosa aviaun nebe servi deit Oekusi, no la semu ba munisipiu sira seluk, nebe iha ona aeroportu, nune, bele buka osan hodi hatama ba kofre estadu nian; 5). Governu la konsistente ba planu estratéjiku de dezenvolvimentu nebe haktuir katak, iha 2016 be mos tenki kanaliza no instala hotu ona, iha eskola hotu-hotu. Infelizmente, realidade hatudu katak, eskola barak mak seidauk iha be, nune, estudante no profesor sira ba sintina iha ailaran ka fila hikas ba sira nia uma; 6). Governu halo diskriminasaun ba povu iha prosesu instalasaun eletrisidade. Suco no aldeia lubun ida iha nasaun ne’e, mak sei moris iha nakukun laran to’o agora, maske sira nia vizinhu moris ona iha naroman nia laran. Fiu tara lemo-lemo liu hosi sira nia aldeia no suku, airin eletrisidade butuk no soe hela iha sira nia suco no aldeia laran, maibe atu tama ona 2017, povu sira ne’e seidauk hetan eletrisidade. Ezemplu konkretu maka suco Tohumeta, Laulara nebe besik Dili, Kapital nasaun nian, mos seidauk hetan eletrisidade (FH, 23/11/2016)".

Komentar

Posting Komentar

Postingan populer dari blog ini

BIOGRAFIA NINO KONIS SANTANA

Oleh -
Gambar
Herói Da Luta Independência De Timor Leste      Antoninho Santana, ho naran revolucionário, “Nino Konis Santana”. Moris iha povasaun Veru, suku Tutuala, Subdistrito Tutuala Distrito Lautem. Moris iha loron 12 fulan Janeiro tinan 1957. Oan dahuluk husi aman Ze-Makar no inan Poko-Tana.      Iha tinan 1963, Nino Konis Santana hahú estuda iha eskola municipal Tutuala (eskola primária).      Iha tinan 1968, Nino Konis Santana muda eskola ba koléjiu São João Bosco iha Fuiluro atu kontinua estudu iha 2ª classe . Hakotu 4ª classe iha 1971.      Iha tinan 1971-1973, estuda iha 1° ciclo iha eskola Pre-Secundária katolika Baucau.      Iha tinan 1973-1975, estuda iha eskola Canto Resende “professor do Posto Escolar”.      Iha tinan 1975, delegado UNETIM ( União Nacional dos Estudantes de Timor Leste). Organisasaun joventude FRETILIN iha eskola Canto Resende. Hahú participa ativu iha política.  ...
Read more »

LORON 7 DEZEMBRU 1975, MAK LORON NE'EBE INVAZAUN INDONESIA NIAN TAMA IHA TIMOR LESTE

Oleh -
Gambar
Istória nunka lakon husi memória povu TL nia, partikulármente, loron 7 dezembru 1975, loron ida ne’ebé Governu Indonézia autoriza nia militár, aneksa territóriu TL. La’ós tan ona segredu katak invazaun refere hetan apoiu husi Governu Amérika, Australia, Inglaterra no nasaun boot sira seluk.  Loron ohin mak 7 dezembru 1975 - 7 / 6 /2016. Loron invazaun, loron ida ne’ebé hahú asasina Timor oan rihun atus rua resin (200.000). Maske Governu TL hakarak subar loron ida ne’e ba povu, hodi hanaran fali loron heroi nasionál maibé ema barak la hatene no istória hatete momoos katak loron invazaun duni.  Loron ohin mak 7 de dezembru de 2016. Loron nebe marka invazaun indonesia nian mai ita nia rai ho escala nebe que bot iha loron 07 De Dezembro 1975 loron ida ne’ebé que FRETILIN hahú NIA Luta naruk hodi liberta povo maubere liu husi nia liman kroat FALINTIL. Durante 24 anos iha Ailaran, iha Axilo politico no iha prisaun politika no mos iha villa laran. Hodi ...
Read more »

Biografia Maun Bot Kayrala Xanana Gusmão

Oleh -
Gambar
 Primeiru-Ministru KAY RALA XANANA GUSMÃO Kay Rala Xanana Gusmão lidera rejistensia no lidera funu too  timor hetan ukun aan.   Xanana sai Prezidente  dahuluk  hafoin restaurasaun Independensia 20 Maiu 2002.  Kay Rala Xanana Gusmão moris iha loron 20 fulan-Junu  tinan 1946, iha Munisípiu Manatuto. Nia tuir eskola primária iha Santa Teresa, iha Ossu, Munisípiu Viqueque, Misão Katólik “Nossa Senhora de Fátima”, iha Dare, no eskola sekundária Dr. Francisco Machado, iha Dili. Xanana Gusmão tama ba administrasaun públiku iha tinan 1966 no servisu iha militár Portugés husi tinan 1968 to’o 1970. Iha tinan 1974, nia tama ba jurnál “A Voz de Timor” (Voz Timor) no mos tama ba partidu polítiku “Associação Social Democrata” ASDT (Assosiasaun Sosial Demokrata), hafoin muda ba Frente Revolucionária de Timor-Leste Independente (FRETILIN). Nia servisu hanesan Adjuntu Diretór Departamentu Informasaun ba FRETILIN. Hafoin invazaun militár Indonézia  iha tinan 1...
Read more »